Helgina 14. og 15. nóvember verður haldið Íslandsmeistaramót í skylmingum með höggsverði fyrir unglinga og fullorðna í Skylmingamiðstöðinni í Laugardal (Baldurshagi).
Evrópumeistaramótið í skylmingum unglinga verður haldið Óðinsvéum í Danmörku 1. – 6. nóvember næstkomandi. Þátttakendur eru yfir 400 og koma frá 40 löndum. Sjö ungmenni á aldrinum 16 til 19 ára hafa verið valin til þátttöku fyrir hönd Íslands og keppa þau í skylmingum með höggsverði. Þrátt fyrir ungan aldur eru þetta allt margverðlaunaðir skylmingamenn bæði hérlendis sem og erlendis enda eru hér bæði Íslandsmeistarar og Norðurlandameistarar á ferðinni.
Heimsmeistaramótið í skylmingum verður haldið í Antalya í Tyrklandi 30. september - 8. október næstkomandi. Þátttakendur eru yfir 800 og koma frá 110 löndum.